O‘zbekiston Respublikasi Prezidenti tashabbusi bilan haftaning payshanba kuni “Yoshlar kuni” deb belgilangani yosh avlodga bo‘lgan
yuksak e’tiborning yana bir yorqin ifodasidir. Shu munosabat bilan Xalq deputatlari Jalaquduq tuman Kengashi huzuridagi “Yoshlar
maslahat guruhi” a’zosi F. Qodirova hamda Jalaquduq tumani Iqtisodiyot va moliya bo‘limi boshlig‘i O‘. Ashurov tomonidan “Ittifoq” MFY hududida istiqomat qiluvchi ishsiz yoshlar bilan uchrashuv tashkil etildi. Uchrashuv davomida yoshlarning qiziqishi, qobiliyati va kasbiy yo‘nalishidan kelib chiqib, tumandagi korxona va tashkilotlardagi mavjud bo‘sh ish o‘rinlari bo‘yicha taklif va tavsiyalar berildi. Shuningdek,
yoshlar hamda ularning ota-onalari bilan ochiq muloqot va samimiy suhbatlar o‘tkazildi. Yoshlarning sohaga oid muammolari tinglanib, ularni hal etish yuzasidan amaliy choralar belgilandi. Kelajak rejalari va tashabbuslari bo‘yicha takliflari ham o‘rganildi.