9-may – Xotira va qadrlash kuni munosabati bilan Parkent tumanida urush faxriylari va mehnat fronti qatnashchilarini e’zozlashga bag‘ishlangan tadbir bo‘lib o‘tdi. Tadbirda tuman hokimi, deputat Elmurod Po‘latov, tuman Kengashi raisi Faxriddin Dadamatov, tuman Kengashi kotibiyati mudiri Mavluda Berdiqulova, tuman Kengashi deputatlari, faxriylar hamda faollar ishtirok etdi.Tadbir avvalida ishtirokchilar “Motamsaro ona” haykali joylashgan xotira maydoniga jam bo‘lib, yurt tinchligi va xalq osoyishtaligi yo‘lida jon fido qilgan ajdodlar xotirasini yod etdilar. Shuningdek, yosh avlodni vatanparvarlik ruhida tarbiyalash, tinchlik va barqarorlikni asrash, millatlararo totuvlik va diniy bag‘rikenglikni mustahkamlashda faxriylarning hayot yo‘li va jasorati yoshlar uchun katta ibrat ekani qayd etildi. Tadbir yakunida “Motamsaro ona” haykali poyiga gulchambarlar qo‘yilib, qahramonlar xotirasiga hurmat bajo keltirildi.