Bugun aholi murojaatlari asosida "Zangiota" mahalla fuqarolar yigʻinida xalq deputatlari Shayxontohur tuman Kengashi deputati G.Raxmonova tomonidan saylovchilar bilan ochiq muloqot tarzida uchrashuv tashkil etildi. Uchrashuv davomida fuqarolar oʻzlarini qiynayotgan masalalar, ijtimoiy-iqtisodiy muammolar hamda takliflarini bildirishdi.

Uchrashuvda tuman Kengashi Kotibiyati mudiri N.Karimov, tuman hokimining o'rinbosari R.Kuchkarov, mutasaddi tashkilotlar masʼul xodimlari, mahalla faollari va fuqarolar ishtirok etishdi.

Uchrashuvda fuqarolar tomonidan sim yogʻoch ustunlarni almashtirish, ijtimoiy himoya, mahalla infratuzilmasini yaxshilash masalalari boʻyicha murojaatlarga tegishli tartibda javob berildi.

Ochiq va samimiy ruhda oʻtgan muloqotda sim yogʻoch ustunlarni almashtirish va oqava suv masalasi boʻyicha koʻtarilgan murojaatlar atroflicha oʻrganib chiqilishi maʼlum qilindi hamda masʼullarga tegishli topshiriqlar berildi.

Deputat G.Raxmonova fuqarolar tomonidan bildirilgan barcha taklif va murojaatlar nazoratga olinib, ularning ijrosi taʼminlanishi alohida taʼkidlab oʻtdi.

Uchrashuv yakunida deputat G.Raxmonova tomonidan bunday uchrashuvlar aholi bilan muloqotni yanada mustahkamlashga, ularning muammolarini oʻz vaqtida hal etishga yordam berishini bildirdi.