Deputat faoliyatidan  

Xalq deputatlari Qo‘shko‘pir tuman Kengashi deputati Sattarova Dinara
Jumanazarovna Tegalak mahallasi yettiligi bilan uchrashuv o‘tkazdi. 

Uchrashuv davomida ijtimoiy himoyaga muhtoj oilalarni qo‘llab-quvvatlash,
xotin-qizlar bandligini ta’minlash, ularni tadbirkorlik faoliyatiga keng jalb
etish hamda shu orqali ularning ijtimoiy-iqtisodiy faolligini oshirish
masalalari muhokama qilindi. 

Shuningdek, deputat hududga chiqib, xotin-qizlar bandligi holati bilan
bevosita tanishdi va ularning muammolari hamda takliflarini o‘rgandi. 

Deputat tomonidan olib borilayotgan bunday ochiq muloqotlar hududlarda
aholi muammolarini tizimli hal etish, manzilli ijtimoiy siyosatni kuchaytirish
hamda fuqarolarning turmush darajasini yuksaltirishga xizmat qilayotgani bilan
ahamiyatlidir.