Xalq deputatlari Shayxontohur tuman Kengashi deputati Gulasal Raxmonova tumandagi 13-sonli umumtaʼlim maktabida amalga oshirilgan taʼmirlash ishlari yuzasidan oʻrganish oʻtkazdi.

"Samarqand darvoza" mahallasi hududidagi 13-sonli umumtaʼlim maktabining taʼmirga muhtoj boʻlgan faollar zali “Tashabbusli byudjet” loyihasining 2025-yil 2-mavsumida g‘olib bo‘lgan. O'rganish jarayonida pudratchi tashkilot tomonidan maktabning faollar zali zamonaviy talablar asosida toʻliq taʼmirdan chiqarilgani ma'lum bo'ldi.

Shuningdek, oʻrganish davomida maktab rahbariyati tomonidan maktabning zali zamonaviy jihozlar bilan taʼminlangani, interyer va sharoitlar toʻliq yangilangani hamda oʻquvchilar va oʻqituvchilar uchun qulay muhit yaratilgani to‘g‘risida ma'lumot berildi. 

Bundan tashqari, maktab masʼullari tomonidan ushbu zal maktab hayotidagi muhim tadbirlar, uchrashuvlar va maʼnaviy-maʼrifiy ishlar uchun xizmat qilishi aytib oʻtildi. 

Oʻrganish yakunida deputat tomonidan yangilangan maktab zali yoshlarimiz kelajagi uchun muhim ekanligi ta'kidlandi.