Xalq deputatlari Shayxontohur tuman Kengashi deputati Raxmatillayeva Muqaddasxon Mamayunusovna tomonidan “Fuqarolar sog’lig’ini saqlash to’g’risida”gi qonun ijrosini ta’minlash, aholiga sifatli tibbiy xizmat ko’rsatish va sog’lom turmush tarzini shakllantirish masalalari yuzasidan 43-sonli Oilaviy poliklinikada o’rganish o’tkazdi.

O’rganish davomida deputat tomonidan tibbiyot muassasada xizmat ko’rsatish sifati, dori-darmonlar ta’minoti, shifokorlar malakasi va mehnat sharoitlari hamda aholiga ko’rsatilayotgan profilaktik xizmatlar atroflicha tahlil qilindi.

Shuningdek, aniqlangan ayrim kamchiliklar yuzasidan tegishli mutasaddilarga taklif va tavsiyalar berildi. Shu bilan birga, aholiga sifatli tibbiy xizmat ko’rsatishni yanada takomillashtirish, ona va bolalar salomatligini muhofaza qilishni kuchaytirish bo’yicha zarur chora-tadbirlar belgilab olindi.

O’rganish yakunida deputatlar tomonidan fuqarolarimizning sifatli tibbiy xizmat olish huquqi ta’minlanishi —asosiy vazifa ekanligini ta’kidlab o’tildi.