Халқ депутатлари Гулистон шаҳар Кенгаши депутати Рахматжон Максумов сайловчилар олдида ҳисобот берди. Унда бугунги кунда мамлакатимизда олиб борилаётган кенг кўламли ислоҳотлар, фуқароларга яратилаётган имкониятлар билан бир қаторда депутат томонидан 1-чорак давомида амалга оширилган ишлар бўйича ҳисоботи тингланди️. Шунингдек, учрашувда маҳалладаги масалалар, аёл-қизларнинг фаоллигини ошириш, бандлигини таъминлаш, ҳуқуқий билими ва малакасини ошириш юзасидан ҳам фикрлар билдирилди.

️ Учрашув сўнггида сайловчилар мурожаатлари тингланди. Сайловчиларга ҳуқуқий маслаҳатлар берилди. Ёзма мурожаатлар депутатлик сўровлари орқали тегишли ташкилотларга юборилиши таъкидлаб ўтилди