Ma’lumki, O‘zbekiston Respublikasi Oliy Majlisi Senati mahalliy vakillik organlari faoliyatini kuchaytirishga ko‘maklashuvchi komissiyasining
2024-yil 31-yanvardagi “Mahalliy Kengashlar deputatlari faoliyati samaradorligini oshirish to‘g‘risida”gi 22-sonli qarori qabul qilindi. Mazkur qaror bilan xalq deputatlari tuman Kengashi deputatlarining o‘z saylovchilari oldidagi mas’uliyatini yanada oshirish belgilab berildi. O‘zbekiston Respublikasi Oliy Majlisi Senati mahalliy vakillik organlari faoliyatini kuchaytirishga ko‘maklashuvchi komissiyasining mazkur qarori ijrosini ta’minlash maqsadida joriy yilning 2-aprel kuni xalq deputatlari tuman Kengashi kotibiyati mudiri, 29-“Xo‘jai Jahon” saylov okrugi deputati F.Ashurov o‘z saylov okruglarida joylashgan “Nodirabegim” hamda “Guliston” mahalla fuqarolar yig‘inida bo‘lib, 2025-yilning birinchi choragi davomida o‘z faoliyati yuzasidan saylovchilari oldida axborot berdi. Uchrashuv jarayonda saylovchilarni oʻylantirib kelayotgan masalalar yuzasidan murojaatlar tinglandi. Tegishli idora va tashkilotlar vakillarining ishtirokida aksariyat muammolar shu yerning oʻzida hal etilib, mutassadilarga kerakli tavsiyalar berildi.