Deputat N.Norkarayev saylovchilar bilan uchrashuv oʻtkazdi

Nurobod tumani 20-Ag'ron saylov okrugidan saylangan Xalq deputatlari Nurobod tumani Kengashi deputati Norkarayev Nizomjon Maxamovich Nurobod tumanining Ag'ron va Novbahor mahalla fuqarolar yigʻinida saylovchilar bilan navbatdagi uchrashuvini oʻtkazdi.

Uchrashuvda Ag'ron va Novbahor mahallalari oqsoqollari, mahalla faollari va yoshlar ishtirok etishdi. Deputat oʻtgan davr mobaynida amalga oshirgan ishlari, saylovoldi dasturida belgilangan masalalar boʻyicha erishilgan natijalar yuzasidan axborot berdi.

Shuningdek, uchrashuv davomida qilingan murojaatlarining aksariyati huquqiy maslahatlar va amaliy ko‘rsatmalar asosida joyida hal etildi. Shu bilan birga, muayyan vaqt talab qiladigan murojaat nazoratga olinib, tegishli idoralar bilan hamkorlikda o‘rganilishi belgilandi.