Deputatga xalq ishonch bildirib saylaydi. Bu ishonchni
oqlash, odamlar dardini tinglash, ularning tashvishlari bilan yashash,
muammolarini hal etish deputat zimmasidagi muqaddas burch hisoblanadi. 

“Milliy tiklanish” demokratik partiyasidan saylangan xalq
noiblari partiyaning dasturiy maqsadlaridan kelib chiqqan holda joylarda aholi muammolarini
hal qilishda “mahallabay” va “fuqarobay” tizim asosida samarali faoliyat olib bormoqdalar.
Partiya tomonidan aholini qiynab kelayotgan muammolarni tezkorlik bilan joyida hal
etish maqsadida aholi bilan bevosita muloqotni yo‘lga qo‘yish orqali mavjud muammolarni
hal etish tizimini yaratish hamda ushbu yo‘nalishda ta’sirchan jamoatchilik va deputatlik
nazoratini o‘rnatish maqsadida “Deputat bilan yuzma-yuz”loyihasi yo‘lga qo‘yilgan. 

Xalq deputatlari Xiva tuman kengashi deputati Dosova Shahlo
Sultonnazirovna ushbu loyiha doirasida tumanning “Gulshan” hamda “Bo‘ston”
mahallalari aholisi, shuningdek mahalladagi “Ayollar daftari” va “Yoshlar daftari”
ro‘yxatiga kiritilgan xotin-qizlar va yoshlar bilan uchrashib, ularning murojaatlarini
o‘rgandilar. Uchrashuv so‘ngida deputat tomonidan galdagi vazifalar belgilab olindi.