Jizzax shahar davlat xizmatlari markazida O‘zbekiston Notarial palatasi viloyat hududiy boshqarmasi va Xalq deputatlari Jizzax shahar Kengashi deputati M.Mamatqulovlar hamkorligida “Notariuslardan bepul huquqiy bilimlar” aksiyasi o‘tkazildi. Aksiyadan ko‘zlangan maqsad fuqarolarning huquqiy savodxonligi va madaniyatini oshirish, fuqarolar bilan o‘zaro hamkorlikning samarali mexanizmini yaratish, huquqni muhofaza qilish sohasidagi mavjud muammo va kamchiliklarni aniqlash hamda ularni bartaraf etish yuzasidan taklif va tavsiyalar tayyorlashdan iborat. Aksiyada mahalla fuqarolari, yoshlar, nodavlat notijorat tashkilotlari  va ommaviy axborot vositalari vakillari ishtirok etdi. Tadbir davomida 50 nafarga yaqin fuqarolar yer, uy-joy, mehnat va oilaviy munosabatlar, avtotransport vositalarini rasmiylashtirish, fuqarolik pasportini olish, mol-mulkga egalik qilish, hadya va meros masalalari bo‘yicha huquqiy maslahatlar olishdi.