Ифлосланган сув диарея, вабо, дизентерия, ич терлама ва полиомиелит каби касалликлар қўзғатувчиларини ташувчи омил бўлиши мумкин. Ҳисоб-китобларга кўра, ифлосланган ичимлик суви ҳар йили 500 000 дан ортиқ ўлим ҳолатларига сабабчидир. 2025 йилда дунёнинг ярим аҳолиси сув танқислиги мавжуд бўлган жойларда яшамоқда. Давра суҳбатида сув ресурсларидан самарали фойдаланиш соҳасидаги қонунчилик, сув ресурслари ва улардан самарали фойдаланиш, сув сифатини яхшилаш бўйича амалга оширилаётган ишлар, соҳада илмий изланишлар ва тадқиқотлар, сувнинг инсон организми ва саломатлиги учун аҳамияти масалалари муҳокама қилинди.