“O‘z mehnatidan baht
topgan ayol” 

06.03.2025 

🔷 8-mart “Xalqaro xotin-qizlar kuni” munosabati
bilan Farg‘ona tumanidagi ixtisoslashgan maktab o‘quvchi-qizlari ishtirokida
ijodiy kecha bo‘lib o‘tdi. “O‘z mehnatidan baht topgan ayol” mavzusida tashkil
etilgan ijodiy kechaga Xalq deputatlari Farg‘ona tuman Kengashi deputatlari
Bumayram Sobirova, Sadoqat Mirzaevalar taklif etildi. 

🔷 B.Sobirova ijodiy kechada o‘zining ta’limdagi
faoliyati hozirgi O‘zbekiston xalq demokratik partiyasi tuman Kengashi raisi
sifatida faoliyat olib borishidagi o‘rni haqida to‘xtalib o‘tdi. 

🔷 S.Mirzaeva o‘zining san’atga, milliylikka,
hunarmandchilikka muhabbatini mehribon volidasidan o‘tganligini va buning uchun
onasidan minnatdor ekanligini bildirib, hozirda milliy hunarmandchilik
targ‘ibotchisi sifatida nafaqat yurtimizda, balki chet davlatlarda ham hurmat
qozonib borayotganligini aytdi. 

🔷 B.Sobirova, S.Mirzaevalar o‘quvchi-qizlarga
o‘z hayot yo‘lida amalga oshirgan mehnatlari, erishgan yutuqlari, o‘zlari
sevgan kasb bilan shug‘ullanib, ayni damda xalqimiz ishonchiga sazovor bo‘lib,
hozirda Xalq deputatlari Farg‘ona tuman Kengashi deputati ekanligi ham
mehnatlarining rohati ekanligini aytib, o‘quvchi-qizlarni bayram bilan
tabriklab, mehnatning tagi rohat ekanligini ta’kidlab, sevgan kasblari bilan
vijdonan shug‘ullanishga chaqirdilar. 

Xalq deputatlari Farg‘ona tuman Kengashi
kotibiyat