"Milliy tiklanish" demokratiyalıq partiyasınıń 2025-jıl ushın belgilegen is-rejesine tiykar Qaraózek rayonı 16-sanlı Balalar muzika hám kórkem óner mektebi jumısı úyrenilip, bilimlendiriwdiń sapası boyınsha analitikalıq maǵlıwmatlar tayarlaw hám jámiyetlik tıńlaw belgilendi. Úyreniwge partiya Oraylıq Keńesi bólim baslıǵı Alijan Muxtarov, partiya Qaraqalpaqstan Respublikası Keńesi wákilleri, Xalıq deputatları Qaraózek rayonlıq Keńesi deputatlarınan ibarat isshi topar balalar muzıka hám kórkem óner mektebinde boldı. Tiyisli sorawnama tiykarında ótkerilgen úyreniw dawamında mektep imaratınıń jaǵdayı, materiallıq-texnikalıq bazası, mektepte bilim berip atırǵan pedagoglardıń qánigeligi durıs tańlanǵanlıǵı, oqıw procesinde paydalanılıp atırǵan sabaqlıqlar hám basqa da máseleler boyınsha maǵlıwmatlar alındı. Úyreniw dawamında toplanǵan maǵlıwmatlar ulıwmalastırılıp jergilikli Keńes májilislerinde dodalawǵa usınılıw belgilendi.