Bahor nafasi: Deputat A.Ikromov xonadonida tamorqa ishlari avjida! 

Qishning sovuq kunlari ortda qolib, tabiat uyg'onishi bilan yurtimizda bahor fasli o'zining go'zal va betakror qiyofasini namoyon etmoqda. Xalq deputatlari Qo'rg'ontepa tuman Kengashi deputati A.Ikromov ham bahor kelishi bilan o'z xonadonida tamorqa ishlari bilan mashg'ul bo'lib, dehqonchilikning sir-asrorlarini amalda qo'llamoqda.

Deputat A.Ikromovning aytishicha, tamorqa nafaqat oila budjetiga qo'shimcha daromad keltiradigan manba, balki sog'lom turmush tarzini ta'minlash, o'z mehnatining samarasini ko'rish va tabiat bilan hamnafas bo'lish imkoniyatidir. Shuningdek, u o'z tajribasi bilan boshqa fuqarolarga ham o'rnak bo'lishni maqsad qilgan.

"Tomorqa – rizq-ro'zimiz, davlatimizning oziq-ovqat xavfsizligini ta'minlashdagi muhim omil. Har bir yurtdoshimiz o'z tomorqasidan unumli foydalanishi kerak", - deydi deputat A.Ikromov.