Tuman Yoshlar ishlari boʻlimida Xalq deputatlari Gʻallaorol tuman Kengashi deputatlari ishtirokida tumandagi Madaniyat va sport sohasida amalga oshirilayotgan ishlar tahlil qilindi. Yigʻilishda madaniyat, sport va aholi dam olish jamoat joylaridagi infratuzilma obyektlarining holati, sanʼat va sport yoʻnalishlariga yoshlarni keng jalb qilish, qoʻshimcha imkoniyatlarni ishga solishga oid dastlabki maʼlumotlar oʻzaro almashildi. 10 - mart sanasidan boshlab tuman Kengashi deputatlari Yoshlar ishlari boʻlimi, Madaniyat boʻlimi va sport maktablari bilan hamkorlikda mazkur masalani joylarga borib oʻrganish boʻyicha kelishib olindi.
Yigʻilishda Yoshlar ishlari boʻlimi boshligʻi J. Norbekov, Xalq demokratik partiyasi tuman Kengashi raisi K. Usmonov, Madaniyat boʻlimi va sport maktablari mutasaddilari ishtirok etdi.