Xalqimizda “Obodlik ko‘ngildan boshlanadi” degan naql bor. Xonadonimizni, ko‘chalarimizni, hovli va tomorqalarimizni saranjom tutish xalqimizga xos odat. Uylarni ozoda saqlash, ostonoga chang yuqtirmaslik kabi an’analarimizda ko‘p hikmat bor. Har birimizdagi mana shu udum mahallamizga ko‘chsa, albatta yurt obod bo‘ladi! Bugun Xalq deputatlari Urganch shahar kengashi deputati B.Allabergenov ishtirokida “Ashxabod” mahallasida “Yashil makon” dasturi doirasida o‘tkazilayotgan tadbirlarda ko‘kalamzorlashtirish ishlari tashkil etildi. Ayni kunlarda shahar atroflarida «yashil belbog‘»lar barpo etish bo‘yicha chora-tadbirlar dasturi doirasida keng ko‘lamli ishlar amalga oshirilmoqda.