Marg'ilon shahar Kengashi deputatlari M.Abdurahmonova va A.Ermatovlar Orol bo'yi mahalla fuqarolar yig'inida bo'lib, "Mahalla yettiligi" vakillari va faollari bilan uchrashdi. Ushbu uchrashuv mahalladagi muammolarni muhokama qilish, aholi bilan to'g'ridan-to'g'ri aloqalarni o'rnatish maqsadida amalga oshirildi.

Uchrashuvda asosiy e'tibor mahalladagi ta'lim tizimiga qaratildi. Fuqarolar  tomonidan hududga davlat maktabgacha ta'lim muassasasi zarurligi ta'kidlandi. Deputat M.Abdurahmonova, o'z navbatida ushbu muammoning yechimi bo'yicha oʻz fikrlarini bildirib oʻtdi va bu borada zarur chora-tadbirlarni ko'rib chiqishga kelishib olindi.

Deputatlar Mahalla faollari bilan uchrashuvda, shuningdek, hududdagi boshqa ijtimoiy va infratuzilma muammolarini ham muhokama qilishdi. Mahallaning ijtimoiy va madaniy rivojlanishi, fuqarolarni maktabgacha ta'lim bilan ta'minlash hamda mahalladagi boshqa muammolarni hal qilishda hamkorlik qilish zarurligini ta'kidladi.