Joriy yilning 2-noyabr kuni davlatimiz rahbari tomonidan o‘tkazilgan videoselektor yig‘ilishida “Yashil makon” umummilliy loyihasini amalga oshirish, mazkur loyiha doirasida yiliga 200 mln. tup daraxt va buta ko‘chatlarini ekish belgilangan edi. Bunday keng ko‘lamli tashabbusning amalga oshirilishi natijasida shaharlarimizdagi yashil maydonlar hududi hozirgi 8 foizdan 30 foizga oshiriladi. Xalq deputatlari Dehqonobod tuman Kengashi deputatlari ham ushbu xayrli ishga o‘z hissasini qo‘shmoqda. Xususan Xalq deputatlari Dehqonobod tuman Kengashiga 5-Tog‘aytemir Saylov okrugidan saylangan deputat Bozorov Nuriddin Qarshiyevich tomonidan Dehqonobod tumani Oqirtma MFY hududiga 200 tup mevali va manzarali daraxtlar ekildi.