Oqıw seminarı

Qaraqalpaqstan Respublikası Joqarǵı Keńesi baslaması menen Xalıq deputatları rayonlıq, qalalıq Keńesleri deputatlarına oqıw seminarların ótkeriw belgilengen bolıp, búgin Bozataw rayonında belgilengen rejege tiykar rayon hákimligi májilisler zalında rayonlıq Keńeske saylanǵan deputatlar ushın oqıw seminarı shólkemlestirildi.

Seminar dawamında bayanatshılar tárepinen deputat jumısınıń nızamlı tiykarları,  saylawshılardıń múrájatları menen islesiwde olardıń atqaratuǵın xızmeti  hám juwapkershiligin arttırıw, sonday-aq, ádep-ikramlılıq qaǵıydaları haqqındaǵı máseleler kórip shıǵıldı.

Seminarda  deputatlardıń saylanǵan okrugi aymaǵındaǵı mashqalalar, mámleketlik baǵdarlamalardıń tiyisli mámleketlik uyımlar tárepinen orınlanıwı ústinen qadaǵalaw, máhálle belsendileri menen islesiwdi kúsheytiw baǵdarındaǵı wazıypalar haqqında sóz etildi.