Bugun O‘zbekiston Respublikasi Qurolli Kuchlari tashkil etilganligining 33 yilligi va 14-yanvar – Vatan himoyachilari kuni Sariosiyo tumanida ham katta ko‘tarinkilik bilan nishonlanmoqda.

Xususan, tuman Madaniyat markazida tantanali tadbir o‘tkazildi. Unda xalq deputatlari Sariosiyo tuman Kengashi raisi, tuman hokimi Abduqodir Donayev ishtirok etib, yig‘ilganlarni Qurolli Kuchlarimiz tashkil etilganligining 33 yilligi va Vatan himoyachilari kuni bilan tabrikladi.

Tantanali tadbirda Qurolli kuchlar va huquqni muhofaza qiluvchi idoralarda xizmat qilayotganlarning bir guruhi tuman hokimining faxriy yorliq va esdalik sovg‘alari bilan taqdirlandi.

Tadbirda, Madaniyat bo‘limi san’atkorlari tomonidan namoyish etilgan konsert dasturi osoyishta yurt posbonlariga bayram kayfiyatini ulashdi.