Deputat asfaltlashtirish ishlari bilan tanishdi

Xalq deputatlari Termiz tuman Kengashining 16-Alangtepa saylov okrugi deputati T. Berdiyarova A.Temur MFY hududida amalga oshirilgan asfaltlashtirish ishlari bilan tanishdi.

Tashrif davomida deputat tomonidan mahalla ichki yo‘llarida olib borilgan asfaltlashtirish ishlari ko‘zdan kechirilib, bajarilgan ishlarning sifati, belgilangan me’yor va talablar asosida amalga oshirilayotgani o‘rganildi. Shuningdek, hudud aholisi bilan muloqot qilinib, ularning fikr-mulohazalari va takliflari tinglandi.

Ta’kidlanganidek, yo‘l infratuzilmasini yaxshilashga qaratilgan bunday ishlar aholining kundalik hayotida qulaylik yaratish, transport qatnovini yengillashtirish hamda mahallaning obodonlashuviga xizmat qiladi. Deputat tomonidan kelgusida ham hududdagi bunyodkorlik va obodonlashtirish ishlari yuzasidan jamoatchilik nazorati davom ettirilishi qayd etildi.