Muammolar joyida oʻrganilmoqda: Xalq deputatlari Uzun tumani Kengashi raisi D.Safarova “Navroʻz” mahallasida boʻldi

Aholi murojaatlari bilan ishlash, ularni qiynayotgan muammolarga ijobiy yechim topish — bugun barcha boʻgʻindagi rahbarlarning bosh mezoniga aylangan.
Xalq deputatlari Uzun tumani Kengashi raisi D.Safarova navbatdagi ishchi oʻrganishini “Navroʻz” mahallasi fuqarolaridan kelib tushgan murojaatlar asosida tashkil etdi.

Oʻrganish davomida nimalarga eʼtibor qaratildi?
Kengash raisi mahallaga tashrifi davomida fuqarolar bilan yuzma-yuz muloqot qilib, ularni qiynayotgan masalalarni atroflicha eshitdi.

Murojaatlarda asosan quyidagi masalalar koʻtarilgan:
Ichki yoʻllarni taʼmirlash va shagʻallashtirish;
Elektr energiyasi va ichimlik suvi taʼminotini yanada yaxshilash;
Ijtimoiy himoyaga muhtoj oilalarni qoʻllab-quvvatlash va bandlik masalalari.

D.Safarova har bir murojaatni joyida koʻzdan kechirib, muammolarni qisqa muddatlarda bartaraf etish boʻyicha masʼul tashkilotlar va soha rahbarlariga aniq topshiriqlar berdi.

Murojaatlarning ijrosi deputatlik va jamoatchilik nazoratiga olindi. "Navroʻz" mahallasi infratuzilmasini yaxshilash borasidagi ishlar izchil davom ettiriladi.