Deputatlik so'rovi yuborildi

Xalq deputatlari Uzun tumani Kengashi deputati Sanjarbek Toxirov tomonidan “Uzun tumani Elektr tarmoqlari korxonasi” boshligʻi A.Gʻafforovga DEPUTAT SOʻROVI yuborildi.

“Yangiruzgʻor” mahallasi, Juma Pirnazarov koʻchasida** istiqomat qiluvchi aholi vakillari elektr energiyasi taʼminotini yaxshilash masalasida murojaat qilishgan.

Masalani joyiga chiqib oʻrganish davomida maʼlum boʻlishicha:
Hududda elektr sifati va taʼminotini yaxshilash maqsadida 800 metr masofaga yangi beton ustunlar (stolbalar) oʻrnatilgan.

Biroq, hozirgi kunga qadar ushbu yangi beton ustunlarga elektr simlarini oʻtkazish (tortish) ishlari yakuniga yetkazilmagan.

Yoz mavsumining issiq kunlarida elektr energiyasiga boʻlgan ehtiyoj keskin ortadi.

Aholi xonadonlaridagi maishiy texnika vositalarining barqaror ishlashini taʼminlash, eng muhimi — hududda xavfsizlikni saqlash maqsadida ushbu simlarni tez fursatlarda tortish zarurati mavjud.