Xalq deputatlari Termiz shahar Kengashi raisi D.Normuradova, Kengash huzuridagi “Xalqparvar” komissiyasi raisi A.Mustafakulov hamda Kengash kotibiyati mudiri A.Ashurovlar navbatdagi o‘rganishlarni Kengash deputati G.Xudaykulova saylov okrugiga qarashli “Jo‘yjangal” mahallasida davom ettirdilar.

Mas’ullar ushbu mahallada yashovchi, xalq deputatlari Termiz shahar Kengashining 2026-yil 8-apreldagi VII-20-29-8-121-K/26-sonli qarori asosida uy-joyi ta’mirlanayotgan fuqaro B.Tursunov xonadonida bo‘lib, olib borilayotgan bunyodkorlik jarayonlari bilan yaqindan tanishdilar.

Jumladan:

Uy-joyning bugungi kundagi umumiy holati va xonadonda oila a’zolari uchun yaratilayotgan sharoitlar ko‘zdan kechirildi;

Shu kunga qadar amalga oshirilgan ta’mirlash ishlarining sifati hamda belgilangan talablarga javob berishi atroflicha tahlil qilindi.

O‘rganishlar davomida mas'ullar tomonidan quruvchi va pudratchi tashkilot vakillariga ta’mirlash ishlarini yuqori sifatda bajarish hamda belgilangan muddatlarda yakunlash yuzasidan tegishli tavsiya va qat'iy ko‘rsatmalar berildi.

Inson qadrini ulug‘lash va har bir oilaga munosib turmush sharoiti yaratish yo‘lidagi tizimli ishlar hamda deputatlik nazorati izchil davom etadi!