Xalq deputatlari Termiz shahar Kengashi deputati B.Raxmatullayev mahalla faollari ishtirokida “Surxon sohili” mahallasida bo‘lib, ijtimoiy reyestrda turuvchi fuqaro J.Butayev xonadonidagi haqiqiy holatni o‘rgandi.

Fuqaro J.Butayev xonadoni O‘zbekiston Respublikasi Prezidentining 2026-yil 5-fevraldagi PQ-49-sonli qarorining 13-bandiga asosan O‘zbekiston Respublikasi Prezidentining 2025-yil 30-yanvardagi PF–17-sonli Farmoni doirasida uy-joyni ta'mirlash uchun mablag‘ ajratish yuzasidan shahar Kengashiga tavsiya kiritilgan.

Tashrif davomida deputat va mahalla faollari xonadonning yashash sharoiti, tom va devorlarining holati hamda ta’mirtalablik darajasini bevosita ko‘zdan kechirdilar. Rejalashtirilayotgan qurilish-ta’mirlash ishlarining ko‘lami va zaruriy qurilish materiallari ehtiyoji muhokama qilinib, shahar Kengashining navbatdagi doimiy komissiyasi yig‘ilishida ko‘rib chiqilishi belgilanib olindi.