Xalq deputatlari Yangiobod tuman Kengashi huzuridagi ekspert guruhining yangilangan tarkibi ishtirokida birinchi yig‘ilish bo‘lib o‘tdi.

Yig‘ilishda O‘zbekiston Respublikasi Oliy Majlisi Senati Kengashining 2025-yil 28-yanvardagi KQ-52-V-son qarori bilan tasdiqlangan “Xalq deputatlari viloyat, tuman va shahar Kengashi huzuridagi ekspert guruhi to‘g‘risidagi namunaviy nizom”ning mazmun-mohiyati yangi a’zolarga batafsil tushuntirildi.

Xususan, ekspert guruhining mahalliy Kengash faoliyatini ekspert va axborot-maslahat jihatidan qo‘llab-quvvatlash, sessiyalar kun tartibiga kiritilgan masalalarni o‘rganish, qaror loyihalarini tahlil qilish, nazorat-tahlil tadbirlarida ishtirok etish hamda jamoatchilik va fuqarolik jamiyati institutlari bilan hamkorlikni mustahkamlash borasidagi vazifalari yuzasidan atroflicha ma’lumot berildi.