Xalıq deputatları Taxtakópir rayonlıq Keńesine Xalıq demokratıyalıq partıyasınan deputat, rayon hákimi J.Adilov, «Taxtakópir» PPJ aymaǵında puqaralar menen ushırasıp, olardıń múrájatları, pikir hám usınısların tıńlaw maqsetinde gezektegi kóshpeli qabıllawın ótkerdi.

Qabıllaw dawamında aymaq turǵınlarınıń túrli tarawlarǵa baylanıslı mashqalaları menen bir qatarda pikir-usınısları tıńlandı. Múrájatlarda tiykarınan bántlik, turaq jayın ońlaw hám basqa da máhálle infrastrukturasın jaqsılawǵa qaratılǵan áhmiyetli máseleler kóterildi.

Qabıllaw juwmaǵında kelip túsken múrájatlardı belgilengen múddetlerde úyrenip shıǵıw hám olardıń orınlanıwın támiyinlew boyınsha tiyisli taraw juwapkerlerine anıq wazıypalar júklendi.