13-Baxtiyorchi saylov okrugi deputati M.Rajabova, 18-Hazortut saylov okrugi deputati M.Jumayevalar “Qumrabot” mahallasida tashkil etilgan “Salomatlik marafoni”da faol ishtirok etdilar. Marafon aholi o’rtasida sog’lom turmush tarzini targ’ib qilish, jismoniy faollikni oshirish hamda salomatlikni mustahkamlash maqsadida o’tkazildi.
Tadbir davomida deputatlar mahalla faollari, yoshlar va keng jamoatchilik bilan birgalikda sport-sog’lomlashtirish mashg’ulotlarida qatnashib, aholini muntazam sport bilan shug’ullanishga chaqirdilar. Shuningdek, sog’lom turmush tarzini shakllantirish, kasalliklarning oldini olish va jismoniy tarbiyaning ahamiyati haqida fikr-mulohazalar bildirildi.
Mazkur marafon aholi, ayniqsa yoshlar o’rtasida sog’lom hayot tarzini keng targ’ib qilish, jamoatchilik birdamligini mustahkamlash hamda sportga bo’lgan qiziqishni yanada oshirishga xizmat qildi. Deputatlar bunday tadbirlar kelgusida ham izchil davom ettirilishini ta’kidladilar.