Xalq deputatlari tuman (shahar) Kengashlari kotibiyatlari faoliyati samaradorligini yanada oshirish, ilg‘or tajribalarni o‘rganish va o‘zaro tajriba almashishni yo‘lga qo‘yish maqsadida Xalq deputatlari Boysun tuman Kengashi kotibiyati xodimlari Xalq deputatlari Oltinsoy tumaniga tashrif buyurdi.

Tashrif davomida Oltinsoy tuman Kengashi kotibiyatining faoliyati, ish yuritish tizimi, deputatlar faoliyatini tashkiliy va axborot jihatdan qo‘llab-quvvatlash borasida amalga oshirilayotgan ishlar bilan yaqindan tanishdilar.

Kotibiyat faoliyatini takomillashtirish, ish samaradorligini oshirish hamda zamonaviy ish uslublarini joriy etish masalalari yuzasidan fikr va tajribalar almashildi.

Mazkur tashrif ikki tuman Kengashlari kotibiyatlari o‘rtasida hamkorlik aloqalarini yanada mustahkamlash va faoliyat samaradorligini oshirishga xizmat qilishi ta’kidlandi.