2026-yil 11-iyun kuni Xalq deputatlari Ishtixon tumani Kengashining Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi navbatdagi yig‘ilishida tuman hokimligi hududida sog‘lomlashtirish infratuzilmasini yaratish bilan bog‘liq masala muhokama qilindi.

Yig‘ilishda O‘zbekiston Respublikasi Budjet kodeksining 126-moddasiga muvofiq, tuman hokimligi hududida mini stadion hamda sog‘lomlashtirish maydonchalarini barpo etish uchun zarur qurilish materiallarini xarid qilish maqsadida mablag‘ ajratish yuzasidan taqdim etilgan hisob-kitoblar ko‘rib chiqildi.

Muhokamalar davomida xodimlar uchun sog‘lom turmush tarzini targ‘ib etish, jismoniy faollikni oshirish hamda sport bilan shug‘ullanish uchun zamonaviy sharoitlar yaratish maqsadida tuman hokimligiga tuman mahalliy byudjetining 2026-yil 1-yanvar holatiga shakllangan erkin qoldiq mablag‘lari hisobidan 750 million so‘m mablag‘ ajratish taklifi atroflicha muhokama etildi.

Doimiy komissiya a’zolari tomonidan mazkur loyiha hududda sog‘lom turmush tarzini keng targ‘ib qilish, sport infratuzilmasini rivojlantirish hamda xodimlar uchun qo‘shimcha qulayliklar yaratishga xizmat qilishi ta’kidlandi.

📍 Yakunda ushbu mablag‘larni ajratish to‘g‘risidagi masalani Xalq deputatlari Ishtixon tumani Kengashining navbatdagi sessiyasi muhokamasiga kiritish maqsadga muvofiq deb topildi.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)