Deputat faoliyatidan

Xalq deputatlari Qo‘shko‘pir tuman Kengashi deputati Oybibi Artiqova Durdona mahallasida aholi tomonidan tomorqa yerlaridan samarali va maqsadli foydalanish holatini o‘rgandi.
O‘rganish jarayonida mahalla raisi Ulug‘bek Qurbonboyev bilan birgalikda xonadonlarda tomorqachilikni rivojlantirish, aholi bandligini ta’minlash hamda oilalar daromadini oshirishga qaratilgan ishlar tahlil qilindi.
Deputat tomonidan tomorqa yerlaridan unumli foydalanish orqali oziq-ovqat xavfsizligini mustahkamlash, aholi farovonligini oshirish va tadbirkorlik tashabbuslarini qo‘llab-quvvatlash masalalariga alohida e’tibor qaratildi. Shuningdek, mavjud imkoniyatlardan samarali foydalanish yuzasidan tegishli tavsiya va takliflar bildirildi.