2026-yil 11-iyun kuni Xalq deputatlari Ishtixon tumani Kengashining Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasining navbatdagi yig‘ilishi bo‘lib o‘tdi.

Yig‘ilishda O‘zbekiston Respublikasi Budjet kodeksining 126-moddasiga muvofiq, Ishtixon tumani hokimligi binosida maxsus “tashvish tugmasi” o‘rnatilganligi munosabati bilan qo‘riqlash xizmatlari xarajatlarini moliyalashtirish masalasi muhokama qilindi.

Muhokamalar davomida tumanda jamoat xavfsizligini ta’minlash, hokimlik binosida xavfsizlik choralarini kuchaytirish hamda qo‘riqlash xizmatlarining uzluksiz faoliyatini tashkil etish maqsadida tuman hokimligiga tuman mahalliy budjetining 2026-yil 1-yanvar holatiga shakllangan erkin qoldiq mablag‘lari hisobidan 12 million 378 ming 700 so‘m mablag‘ ajratish yuzasidan taqdim etilgan hisob-kitoblar atroflicha ko‘rib chiqildi.

Doimiy komissiya a’zolari tomonidan masala yuzasidan tegishli xulosa berilib, mazkur mablag‘ni ajratish to‘g‘risidagi masalani Xalq deputatlari Ishtixon tumani Kengashining navbatdagi sessiyasi muhokamasiga kiritish maqsadga muvofiq deb topildi.

📍 Mazkur masala yuzasidan yakuniy qaror Xalq deputatlari Ishtixon tumani Kengashining navbatdagi sessiyasida ko‘rib chiqiladi.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)