Xalq deputatlari Qo‘qon shahar Kengashi kotibiyati mudiri A.Nosirov tomonidan “Shayxon” mahalla fuqarolar yig‘inida faoliyat yuritayotgan hokim yordamchisining ish faoliyati o‘rganildi.

O‘rganish davomida mahallada aholi bandligini ta’minlash, ishsizlikni qisqartirish va fuqarolarni daromadli mehnat bilan qamrab olish borasida amalga oshirilayotgan ishlar tahlil qilindi.

Ma’lum qilinishicha, 2026-yil 1-yanvar holatiga ko‘ra mahallada 56 nafar ishsiz fuqaro ro‘yxatga olingan bo‘lib, hokim yordamchisi tomonidan tegishli tashkilotlar bilan hamkorlikda olib borilgan tizimli ishlar natijasida ularning 22 nafari doimiy ish o‘rinlariga joylashtirilgan.

Fuqarolarni bandlikka jalb etish, tadbirkorlik faoliyatini qo‘llab-quvvatlash, kasb-hunarga o‘qitish hamda yangi ish o‘rinlarini yaratish yo‘nalishida amalga oshirilayotgan chora-tadbirlar yuzasidan ham batafsil ma’lumot berildi.

Uchrashuv davomida mahallada qolgan ishsiz fuqarolarni ish bilan ta’minlash, ularni tadbirkorlikka jalb etish hamda manzilli ishlash orqali bandlik ko‘rsatkichlarini yanada yaxshilash bo‘yicha istiqboldagi vazifalar muhokama qilindi.

O‘rganish yakunida mahallada ishsizlikni qisqartirish borasidagi ishlarni yanada jadallashtirish, mavjud imkoniyatlardan samarali foydalanish va fuqarolar bilan individual ishlash bo‘yicha tegishli tavsiyalar berildi.

Aholi bandligini ta’minlash va yangi ish o‘rinlari yaratish – mahallalarni rivojlantirish hamda fuqarolar farovonligini oshirishning muhim omillaridan biridir.

Xalq deputatlari Qo‘qon shahar Kengashi