Xalıq deputatları Bozataw rayonlıq Keńesinen 10-sanlı «Kókshiel » saylaw okruginen (Adolat SDP) saylanǵan deputat Tileumuratova Kumsay tárepinen nızamshılıqqa muwapıq, Bozataw rayonı «Insan» sociallıq xızmetler orayı direktorı D.Kaipovqa deputatlıq sorawı jiberildi.
Sorawda kóterilgen másele:
Atap aytqanda “Kókshiel” orayı aymaǵında jasawshı jalǵız baslı puqara Pirnazarov Madreym Erejepovich ózi napaqada, hayalı Esbergenova Fatima Beknazarovna 2-topar mayıbı. Bul puqaranıń jasap turǵan úyinıń ishki hám sırtqı kórinisleri awır awhalda bolıp házirgi waqıta óz kúshi menen remont islewge imkaniyatı joqlıǵın aytıp múrajaat etken.
Joqarıda atap ótilgen mashqalanı úyrenip, imkaniyatıńızdan kelip shıǵıp puqara M.Pirnazarovqa sociallıq járdem kórsetiw boyınsha ámeliy járdem beriwdi soraǵan.
“Xalıq deputatları wálayat, rayon hám qala Keńesi deputatınıń statusı haqqında”ǵı Nızamınıń 5-, 8-statyalarına muwapıq usı másele boyınsha 10 kún ishinde tiykarlanǵan maǵlıwmat beriwińizdi sorayman.