👨‍💼 Mirzo Ulug‘bek tumani Kengashi deputati, 15-sonli Yuzrabod saylov okrugidan saylangan deputat Botir Erkinovich Nurmatov tomonidan 210-maktabda Open Budget loyihasi doirasida amalga oshirilayotgan ishlar o‘rganildi.

🔍 O‘rganish jarayonida aholi tashabbusi bilan g‘olib deb topilgan loyiha doirasida maktab uchun xarid qilingan jihozlarning yetkazib berilishi holati ko‘zdan kechirildi.

🧵 Jumladan, mehnat ta’limi xonalari uchun mo‘ljallangan tikuv mashinalari hamda 🖥 zamonaviy elektron doskalarning bir qismi maktabga yetkazib berilgani aniqlandi.

⚠️ Shu bilan birga, loyihada nazarda tutilgan jihozlarning barchasi hozirga qadar to‘liq yetkazib berilmagani qayd etildi.

🏛 Mazkur holat yuzasidan tegishli mutasaddi tashkilotlar, jumladan Mirzo Ulug‘bek tumani Maktabgacha va maktab ta’limi bo‘limi hamda Iqtisodiyot va moliya bo‘limi mas’ullariga:

✅ qarorda belgilangan mablag‘larning o‘z vaqtida moliyalashtirilishini ta’minlash;

✅ davlat xaridlari jarayonlarining qonunchilik talablari asosida sifatli tashkil etilishi ustidan nazoratni kuchaytirish;

✅ maktab tomonidan yutib olingan jihozlarning qolgan qismini qisqa muddatlarda yetkazib berish choralarini ko‘rish zarurligi ta’kidlandi.

📌 Open Budget loyihalari doirasida aholi tashabbusi bilan ajratilgan mablag‘larning maqsadli sarflanishi, amalga oshirilayotgan ishlar sifati va ijro muddatlari ustidan deputatlik nazorati izchil davom ettiriladi.