Isshi topar aǵzaları tárepinen úyreniw jumısları dawam etpekte

♻️Oliy Majlis janındaǵı jámietlik fondtıń Qaraqalpaqstan Respublikası aymaqlıq bóliminiń baslıǵı P.Turdımuratov hám Qaraqalpaqstan Respublikası Joqarǵı Keńesi deputatı F.Palvanova Shımbay rayonı aymaǵında ámelge asırılıp atırǵan investisiyalıq joybarlardı úyreniw jumısları dawam etpekte.

Joybarlardıń ámelge asırılıw procesi, jaratılıp atırǵan jańa jumıs orınları, óndirislik quwatlıqlar hám investorlar ushın jaratılǵan sharayatlar úyrenildi. Sonday-aq, qurılıs-montajlaw jumısları, joybarlardıń belgilengen múddetlerde orınlanıwı hám olardıń aymaqtıń sociallıq-ekonomikalıq rawajlanıwına qosıp atırǵan úlesi boyınsha juwapkerler menen sóylesti.

Deputat tárepinen investiciyalıq joybarlardı nátiyjeli ámelge asırıw, jańa jumıs orınların kóbeytiw hám xalıqtıń bántligin támiyinlew máselelerine ayrıqsha itibar qaratıldı. Úyreniw juwmaqları boyınsha anıqlanǵan máseleler boyınsha tiyisli usınıslar berilip, joybarlardıń orınlanıwı deputatlıq qadaǵalawǵa alındı.