Xalq deputatlari Pastdarg‘om tuman Kengashi deputati N. Aliyev tashabbusi bilan “Oqila ayollar” harakati vakillari ishtirokida ajrimlarning oldini olish, oilaviy qadriyatlarni mustahkamlash hamda yosh oilalarni qo‘llab-quvvatlash masalalariga bag‘ishlangan uchrashuv bo‘lib o‘tdi.

Yig‘ilish davomida oilalarda o‘zaro hurmat va ishonch muhitini shakllantirish, nizolarni bartaraf etishda mahalla va jamoatchilikning o‘rni, shuningdek, xotin-qizlarning jamiyatdagi faolligini oshirish masalalari muhokama qilindi.

Tadbirda bildirilgan taklif va tashabbuslar oilalarni asrab-avaylash, farzandlar tarbiyasida sog‘lom muhit yaratish hamda ajrimlar sonini kamaytirishga xizmat qilishi ta’kidlandi.