Tadbirda O‘zbekiston XDP Samarqand viloyat Kengashi raisi Badriddin Nasriyev, O‘zbekiston XDP Samarqand shahar Kengashi raisi Rahmatillo Hakimov, Samarqand davlat pedagogika instituti rektori, Xalq deputatlari Samarqand shahar Kengashi deputati Shahzoda Negmatova, shuningdek, Yoshlar parlamentlari a’zolari, mas’ul mutasaddilar hamda talabalar ishtirok etdi.
 

 Tadbir davomida deputat Shahzoda Negmatova yoshlar o‘rtasida sog‘lom turmush tarzini targ‘ib qilish, sportga bo‘lgan qiziqishni oshirish hamda ularning bo‘sh vaqtini mazmunli tashkil etish bugungi kunning muhim vazifalaridan biri ekanligini ta’kidladi.

Musobaqa qizg‘in va murosasiz bahslar ruhida o‘tdi. Ishtirokchilar sport mahorati, jamoaviy hamjihatlik va g‘alabaga bo‘lgan intilishlarini namoyon etdilar.

Yakunda g‘olib jamoalar tashkilotchilar tomonidan kubok, diplom va medallar bilan taqdirlandi.

Sport — sog‘lom avlod va porloq kelajak garovi!