O‘zbekiston Respublikasi Prezidentining 2023-yil 21-dekabrdagi PF-209-son Farmonida belgilangan vazifalarga asosan tumanning “Besh-tut” mahallasida “mahalla yettiligi” faoliyati va ular tomonidan yuritilayotgan hujjatlarning holati O‘zbekiston “Adolat” sotsial-demokratik partiyasidan saylangan deputat M.Ashurov tomonidan o‘rganildi.

🔺O‘rganish jarayonida “mahalla yettiligi” xodimlari tomonidan yuritilayotgan ish hujjatlari, elektron platformalarga ma’lumotlarni kiritish holati hamda hisobotlar yuritilishi tahlil qilindi. Shuningdek, mahalladagi ijtimoiy ahvol, kam ta’minlangan oilalar, “Temir daftar”, “Ayollar daftari” va “Yoshlar daftari”ga kiritilgan fuqarolar bilan ishlash bo‘yicha shakllantirilgan ma’lumotlar bazasi, murojaatlarni qabul qilish va ijrosini ta’minlash bo‘yicha hujjatlar ko‘zdan kechirildi.

🔺Deputat tomonidan hujjatlarning belgilangan tartibda rasmiylashtirilishi, ma’lumotlarning haqqoniyligi, yangilanib borilishi hamda mas’ullar o‘rtasidagi hamkorlik masalalariga alohida e’tibor qaratildi. Aholi muammolarini aniqlash va ularni hal etishga qaratilgan manzilli ishlarni aks ettiruvchi hujjatlarning yuritilishi holati ham baholandi.

🔺O‘rganish davomida ayrim hujjatlarni yuritishda aniqlangan kamchiliklar bo‘yicha mas’ullarga tushuntirishlar berildi hamda ish yuritish sifatini yanada yaxshilash, ma’lumotlarni muntazam yangilab borish, elektron tizimlardan samarali foydalanish yuzasidan tegishli tavsiyalar bildirildi.