Shomanay rayonı hákimliginiń májilisler zalında jaslarǵa qaratılıp atırǵan itibar, jaratılıp atırǵan jeńillikler hám ámelge asırılǵan joybarlar menen tanısıw maqsetinde rayon hákimliginiń baspasóz xızmeti hám rayonlıq Jaslar isleri bólimi menen birgelikte baspasóz konferenciyası shólkemlestirildi.

Oǵan, rayon hákiminiń orınbasarı A.Bekmuratov, jergilikli hám respublika kólemindegi ǵalaba xabar quralları wákilleri, Xalıq deputatları Shomanay rayonlıq Keńesi deputatları, tiyisli taraw qánigeleri hám belsendi jaslar qatnastı. Dáslep, rayon hákiminiń orınbasarı konferenciyanı kiris sóz benen ashıp berdi. Bunnan soń, rayonda jaslar siyasatı boyınsha ámelge asırılǵan jumıslar hám joybarlar tolıq túrde tanıstırıldı.

Ǵalaba xabar qurallarınıń wákilleri hám konferenciya qatnasıwshıları ózleriniń sorawları hám pikirleri menen belsene qatnasıp, jaratılǵan imkaniyatlar, qollap-quwatlaw sisteması hám keleshektegi rejeleri haqqında sorawlar berdi. Bul bolsa, baspasóz konferenciyasın jáne de interaktiv hám qızǵın ruwxta ótiwine imkaniyat jarattı.