Shomanay rayonı «Begjap» APJ aymaǵında Xalıq deputatları Shomanay rayonlıq Keńesi tárepinen tastıyıqlanǵan Kestege tiykar 4-«Tashkent» saylaw okrugi deputatı M.Esengeldievtıń saylawshılar menen gezektegi ushırasıw bolıp ótti.

Ushırasıwda saylawshılar tárepinen kommunal tarawlarǵa tiyisli bolǵan bir qatar múrájatlar boldı.

«Begjap» APJ Nurımbay elatlı punktinde jasawshı puqaralar aymaqtıń taza ishimlik suwı menen támiyinlenbegenligin aytıp, 130 dan aslam shańaraqlar ushın 15 km jańadan taza ishimlik suwı tarmaǵın tartıw máselesinde múrájat qıldı.

Shomanay rayonı hákiminiń qurılıs, kommunikaciyalar, kommunal xojalıǵı, ekologiya hám kóklemzarlastırıw máseleleri boyınsha orınbasarı A. Mambetjanovqa deputatlıq soraw shıǵarıp orınlanıwın basshılıqqa aldı.