Xalq deputatlari Oqdaryo tumani Kengashi deputatlari N. Sulaymonov hamda A. Nozimovlar ota-onalar bilan uchrashuv o‘tkazdi

 🔹Uchrashuvdan ko‘zlangan asosiy maqsad – ta’lim-tarbiya jarayonidagi dolzarb masalalarni muhokama qilish hamda maktab va ota-onalar hamkorligini yanada mustahkamlashdan iborat bo‘ldi.

🔹Deputatlar o‘z nutqlarida bugungi kunda ta’lim sohasida amalga oshirilayotgan islohotlar, yoshlar uchun yaratilayotgan sharoit va imkoniyatlar haqida ma’lumot berishdi. Shuningdek, farzandlar tarbiyasida ota-onalarning mas’uliyati va e’tibori muhim ahamiyat kasb etishini ta’kidladilar.

🔹Uchrashuv davomida ota-onalar o‘zlarini qiziqtirgan savollar bilan murojaat qilishdi. Jumladan, yoshlarning bo‘sh vaqtini mazmunli tashkil etish, internetdan to‘g‘ri foydalanish, kasb-hunar tanlash, huquqbuzarlikning oldini olish kabi masalalar muhokama qilindi. Deputatlar barcha savollarga atroflicha javob berib, bildirilgan taklif va muammolarni o‘rganib chiqishlarini ma’lum qildilar.