2026-yil 17-fevral kuni Xalq deputatlari Xorazm viloyati Kengashining Mahalliy byudjet, tadbirkorlikni rivojlantirish va iqtisodiy islohotlar boʻyicha doimiy komissiyasi majlisi boʻlib oʻtdi.

Majlisda Oʻzbekiston Respublikasi Prezidentining 2026-yil 5-fevraldagi PQ-49-sonli qarori ijrosini taʼminlash maqsadida viloyatning Bogʻot, Gurlan va Qoʻshkoʻpir tumanlarida aholi yashashi va tadbirkorlik faoliyati bilan shugʻullanishi uchun qulay muhit yaratish, infratuzilmani yaxshilash orqali ushbu hududlarni “ogʻir” toifadan namunali hududga aylantirishga qaratilgan kompleks rivojlantirish dasturini tasdiqlash, shuningdek, 2026-yilda hududlarni yangicha yondashuvlar asosida rivojlantirish, aholi daromadini oshirish, barqaror ish oʻrinlarini yaratish hamda kambagʻallikni qisqartirish chora-tadbirlari masalalari muhokama qilindi va masʼul tashkilotlar axborotlari tinglanib, aniq vazifalar belgilandi hamda tegishli qarorlar qabul qilindi.