16-sonli maktabgacha ta’lim tashkilotida rejalashtirilgan kapital qurilish ishlari o‘rganildi

Xalq deputatlari Namangan shahar Kengashi raisi, deputat Rustamjon Isaqov Namangan shahridagi 16-sonli maktabgacha ta’lim tashkiloti hududida olib borilayotgan ishlar bilan tanishdi. 

O‘rganish jarayonida mazkur obyektning eski binosi buzib tashlangani, uning o‘rnida yangi, zamonaviy 150 o‘rinli maktabgacha ta’lim tashkiloti qurilishi rejalashtirilgani hamda loyiha hujjatlari ishlab chiqilgani ma’lum qilindi. Shuningdek, qurilish ishlarini amalga oshiruvchi pudrat tashkiloti belgilangan tartibda tender asosida aniqlanishi ko‘zda tutilgani qayd etildi. 

Qurilish ishlarini amaldagi me’yoriy talablar asosida sifatli va belgilangan muddatlarda bajarish masalalariga alohida e’tibor qaratildi.