Xalq deputatlari Jondor tumani Kengashining 2026-yil 15-yanvardagi “Aholiga qulay shart-sharoitlar yaratish hamda ijtimoiy-iqtisodiy, tashkiliy amaliy va infratuzilmaviy muammolarni bartaraf etish chora-tadbirlari to‘g‘risida” VII-20-6-2-35-K/26-sonli qarori qabul qilingan bo‘lib, qarorga asosan “Infratuzilma va ijtimoiy barqarorlik” jamg‘armasi mablag’lari hisobidan tuman aholisiga qulay shart-sharoitlar yaratish hamda tuman “Inson” ijtimoiy xizmatlari markazining moddiy texnika bazasini mustahkamlash uchun 750,0 mln.so’m mablag‘larni ajratilishi belgilangan edi.

Bugungi kunda qaror ijrosi ta’minlanib, kompyuterlar jamlanmalari mahallalardagi ijtimoiy xodimlarga Xalq deputatlari Jondor tumani Kengashining 1-Tinchlik saylov okruidan saylangan deputat I.Xolov hamda tuman hokimining maslahatchisi R.Raximovalar tomonidan tantanali topshirildi.     

Mahallalardagi ijtimoiy xodimlarga qulay sharoitlar yaratilishi, ularning ish samaradorligini yanada oshirishga xizmat qiladi.