Xalq deputatlari Olmazor tumani Kengashi deputati Feruza Salomova tashabbusi bilani Atrof muhit gigiyenasi kafedrasi professor-o‘qituvchilari va talabalar ishtirokida 2026 yil 14-fevral kuni O‘rta asr Sharq madaniyati, adabiyoti va she’riyatida o‘ziga xos o‘rin egallagan adib, shoir, olim bo‘lish bilan birga yirik davlat arbobi Zahiriddin Muhammad Boburning 543 yilligiga bag‘ishlangan ma’naviy-ma’rifiy tadbir o‘tkazildi.

Tadbirda xalq vakili F. Salomova o‘zbek adabiyotining yirik namoyandalaridan biri, shoir, adib, olim, sarkarda, yirik davlat arbobi, “Buyuk Boburiylar sulolasi” asoschisi Zahiriddin Muhammad Boburning hayotiga, uning asarlaridagi ma’naviy-tarbiyaviy jihatlarga alohida to‘xtalib o‘tdi.

Tadbirda kafedra professor-o‘qituvchilari va talabalar tomonidan tayyorlangan Zahiriddin Muhammad Boburning ijtimoiy-siyosiy hayoti haqida ma’ruza qilindi. Tadbir davomida Zahiriddin Muhammad Boburning g‘azallari va ruboiylaridan o‘qib eshittirildi. So‘ngra Zahiriddin Muhammad Boburning hayoti va ijodiga bag‘ishlangan viktorina savol-javoblari bo‘lib o‘tdi va g‘oliblar esdalik sovg‘alari bilan taqdirlandilar. Tadbir barchada yaxshi taassurot qoldirdi.

️ Mazkur davra suhbati yoshlarni ilm-fan, ijodkorlik va innovatsion tafakkur sari ruhlantirish, ularning jamiyat hayotidagi faol ishtirokini kengaytirish hamda intellektual salohiyatini ro‘yobga chiqarishga qaratildi.