✏️ Saylovchilar bilan bo‘lib o‘tgan uchrashuv davomida kelib tushgan murojaatlar deputat hamda mahalla yettiligi vakillari ishtirokida atroflicha ko‘rib chiqildi. Avvalo, deputat tomonidan hudud aholisidan tushgan murojaatlar yana bir bor mahalla yettiligi a’zolariga yetkazilib, ularning mazmun-mohiyati batafsil muhokama qilindi.

⌛️Muhokama jarayonida har bir murojaatning ijro mexanizmi, amalga oshirish tartibi hamda mas’ul ijrochilar belgilab olindi. Shuningdek, avvalo bajarilishi lozim bo‘lgan dolzarb masalalar ustuvor yo‘nalish sifatida ajratilib, ular bo‘yicha aniq choralar ko‘rish rejalashtirildi.

Qolgan murojaatlar yuzasidan esa fuqarolarga amaldagi tartib-qoidalar asosida tegishli tushuntirishlar berish, zarur hollarda mutasaddi tashkilotlarga yo‘naltirish bo‘yicha kelishib olindi.

Mazkur uchrashuv hududdagi muammolarni tizimli hal etish va aholi bilan ochiq muloqotni yanada mustahkamlashga xizmat qildi.