Xalq deputatlari Termiz tuman Kengashi deputatlari va kotibiyat hodimlari tumandagi Navro‘z Mahalla yettiligi faoliyati bilan yaqindan tanishildi. Tanishuv davomida yettilik tarkibiga kiruvchi har bir mas’ulning amalga oshirgan ishlari, hududdagi mavjud muammolarni bartaraf etish borasidagi sa’y-harakatlari hamda kelgusidagi ustuvor vazifalari atroflicha ko‘rib chiqildi.

Mahalla raisi tomonidan hududda olib borilayotgan ijtimoiy-ma’naviy ishlar, aholi murojaatlari bilan ishlash va obodonlashtirish yo‘nalishidagi amalga oshirilgan tadbirlar yuzasidan ma’lumot berildi. 

Profilaktika inspektori tomonidan hududda huquqbuzarliklarning oldini olish, jinoyatchilikka qarshi kurashish hamda fuqarolar xavfsizligini ta’minlash borasida bajarilgan ishlar va navbatdagi rejalari bayon etildi.

Hokim yordamchisi tomonidan bandlikni ta’minlash, tadbirkorlikni rivojlantirish, ehtiyojmand oilalarni qo‘llab-quvvatlash yuzasidan amalga oshirilgan ishlar hamda kelgusi vazifalar haqida axborot berildi. 

Yoshlar yetakchisi yoshlar bandligi, ularning bo‘sh vaqtini mazmunli tashkil etish va iqtidorli yoshlarni qo‘llab-quvvatlash bo‘yicha bajarilgan ishlar haqida ma’lumot taqdim etdi. 

Xotin-qizlar faoli tomonidan ayollar bandligi, ijtimoiy himoyaga muhtoj oilalar bilan ishlash hamda xotin-qizlar muammolarini o‘rganish bo‘yicha amalga oshirilgan ishlar muhokama qilindi.