Fayzobod mahalla fuqarolar yig‘inida hudud deputati D.Komilova
boshchiligida mahallaga biriktirilgan soliq inspektori Iskandar Chinnibekovning
amalga oshirgan ishlari yuzasidan o‘rganish o‘tkazildi.

📊 Asosiy ko‘rsatkichlar va natijalar:

Reja ijrosi: 2025 yil yakunlari bo‘yicha belgilangan ko‘rsatkichlar to‘liq
bajarilgan. Shu bilan birga, 2026 yilning yanvar oyi uchun belgilangan reja ham
100 foizga uddalangan.

Professional tajriba: DSI bo‘lim boshlig‘i X. Qoriyeva inspektorning 24
yillik tajribasini alohida e’tirof etdi. Ta’kidlanishicha, I. Chinnibekov o‘z
hududida aholi va tadbirkorlardan soliq yig‘imlarini har yili o‘rtacha 105
foizga bajarib keladi.

Tadbirkorlikka ko‘mak: Inspektor tomonidan nafaqat soliq yig‘ish, balki
hududdagi tadbirkorlarga amaliy yordam ko‘rsatish, ularning muammolarini
tizimli hal etish choralari ko‘rilmoqda.